Trump shpall javën e ardhshme në SHBA si “Java e Antikomunizmit”
Presidenti amerikan Donald Trump ka lëshuar një proklamatë duke shpallur javën e ardhshme në SHBA si “Java e Antikomunizmit”, duke sulmuar kundërshtarët e tij të majtë.
Këto proklamata, përmes të cilave presidentët amerikanë theksojnë çështje të caktuara për një ditë ose javë, janë kryesisht simbolike. Duke dënuar “një nga ideologjitë më shkatërruese në histori”, republikani 79-vjeçar shkroi në tekstin e publikuar nga Shtëpia e Bardhë:
“Sot, zëra të rinj përsëritin gënjeshtra të vjetra, duke i maskuar ato nën fraza si “drejtësi sociale” ose “socializëm demokratik”.”
Trump iu referua një tendence të tillë, duke përmendur Zohran Mamdani, kryetarin e sapozgjedhur të Nju-Jorkut.
“Mesazhi i tyre mbetet i njëjtë: hiqni dorë nga liritë tuaja, besoni fuqinë e qeverisë dhe shkëmbeni premtimin e begatisë me rehatinë e zbrazët të kontrollit,” shtoi Trump.
Presidenti amerikan e ka quajtur më parë Mamdanin “komunist” dhe ka deklaruar në një fjalim pas zgjedhjes së këtij të fundit se amerikanët përballen me “një zgjedhje mes komunizmit dhe arsyes së shëndoshë”.