Trump zhvillon bisedë telefonike me Xi Jinping: Arritëm një marrëveshje të mirë! Do të vizitoj Pekinin prillin e ardhshëm
Presidenti i SHBA-së, Donald Trump, deklaroi sot se ka pasur një bisedë telefonike “shumë të mirë” me homologun e tij kinez, Xi Jinping. Gjatë bisedës, ata diskutuan, mes të tjerash, luftën në Ukrainë, trafikun e fentanil-it dhe eksportet e produkteve bujqësore.
“Arritëm një marrëveshje të mirë dhe shumë të rëndësishme për fermerët tanë të shkëlqyer,” shkroi Trump në platformën Truth Social, duke theksuar se marrëdhëniet midis SHBA-së dhe Kinës “janë jashtëzakonisht të forta.”
Trump njoftoi gjithashtu se ka pranuar ftesën e Xi Jinping për të vizituar Pekinin në prill. Ai shtoi se do të ndjekë një vizitë zyrtare të presidentit kinez në SHBA më vonë gjatë vitit të ardhshëm.
Biseda, e konfirmuar si nga Shtëpia e Bardhë ashtu edhe nga Ministria e Jashtme kineze, erdhi si vazhdim i takimit të tyre të fundit në gusht në Busan, Koreja e Jugut.
Xi theksoi mbështetjen e Pekinit për “çdo përpjekje që favorizon paqen” në Ukrainë, duke kërkuar një zgjidhje “në rrënjë” të krizës, ndërkohë që Perëndimi akuzon Kinën për mbështetje industriale ndaj Moskës.
Të dy liderët ranë dakord për komunikim të shpeshtë, duke premtuar përparime në tregti dhe luftën kundër drogës.