Rumania do të investojë 50 milionë euro për ndërtimin e një ure të re në kufirin me Moldavinë.
Ura ekzistuese mbi lumin Prut, në zonën e kalimit kufitar Leuseni-Albița, do të rindërtohet plotësisht. Qeveria rumune ka miratuar një projekt të ri ndërtimi me një vlerë prej rreth 50.4 milionë euro (257 milionë lei), duke vlerësuar se restaurimi i urës së vjetër nuk do të ishte ekonomikisht i favorshëm.
Autoritetet rumune theksuan se ndërtimi i një ure të re në pikën kufitare Leuseni-Albița paraqet një nga projektet më të rëndësishme për modernizimin e infrastrukturës ndërkufitare.
Financimi për këtë projekt pritet të sigurohet nga fondet evropiane, si dhe nga mbështetja shtetërore.
Ura e re do të ketë katër korsi dhe një gjatësi prej 420 metrash. Ajo do të lidhë autostradën M1 të Moldavisë me autostradën DN 24B të Rumanisë.
Ndërtimi i urës pritet të përfundojë brenda 24 muajsh.