Mediat izraelite raportojnë eliminimin e Shefit të Ushtrisë Iraniane, Amir Khatami.
Sipas mediave izraelite, Shefi i Ushtrisë së Iranit, Amir Khatami, është vrarë gjatë operacioneve të kryera nga Shtetet e Bashkuara dhe Izraeli. Lajmi specifikon se “Amir Khatami, komandant i ushtrisë së Republikës Islamike të Iranit, është eliminuar”. Deri më tani, ky informacion nuk është konfirmuar nga pala iraniane.
Izraeli nisi sot një operacion, të cilin e ka cilësuar si “sulm parandalues” kundër Iranit. Paralelisht, ministri izraelit i Mbrojtjes, Israel Katz, ka shpallur një “gjendje të jashtëzakonshme, të veçantë dhe të përhershme” në të gjithë territorin e Izraelit.