Ushtria izraelite konfirmon: Tre trupa të dorëzuar dje nga Hamasi nuk i përkasin pengjeve.
Tre trupa të dorëzuar Izraelit nga Hamasi të premten e kaluar në mbrëmje, me ndërmjetësimin e Kryqit të Kuq, nuk i përkasin asnjërit prej pengjeve që organizata palestineze rrëmbeu gjatë sulmit të saj më 7 tetor 2023. Kështu ka deklaruar sot një zëdhënës i ushtrisë izraelite për agjencinë AFP.
Një burim ushtarak ka thënë se nuk besohet që këto të jenë mbetje pengjesh.
Sipas marrëveshjes së armëpushimit, Hamasi liroi 20 pengjet e gjalla që mbante në Rripin e Gazës më 13 tetor. Gjithashtu supozohej se kishte dorëzuar mbetjet e 28 pengjeve të vdekur, por deri më tani ka kthyer vetëm 17 trupa. Ai ka përmendur vështirësitë në gjetjen e tyre nën rrënojat e ndërtesave të shembura nga sulmet izraelite në enklavën palestineze.
Vonesat kanë nxitur zemërim në qeverinë izraelite, e cila akuzon Hamasin për shkelje të kushteve të marrëveshjes së armëpushimit.