Vdekja e Khameneit pas sulmeve amerikane, djali i Shahut të fundit të Iranit: “Momentet e guximit ndryshojnë rrjedhën e kombeve”
Reza Pahlavi, djali i Shahut të fundit të Iranit, ka bërë një deklaratë duke përshëndetur vdekjen e Ajatollah Ali Khameneit. Në një reagim për gazetën Washington Post, Pahlavi i shpreh mendimet e tij më gjerësisht, duke falënderuar fillimisht Presidentin e SHBA-së, Donald Trump, për deklaratën e tij drejtuar popullit iranian se “ora e lirisë suaj është afër”.
Ai shkruan se për gati gjysmë shekulli, Republika Islamike ka “përmbysur sovranitetin e fqinjëve, duke nxitur konflikte në të gjithë botën dhe duke ndjekur armë bërthamore dhe raketa me rreze të gjatë veprimi për t’i shpërndarë ato”. Ai thekson se “krimet më të tmerrshme” të Republikës Islamike janë kryer në vend, përfshirë mijëra protestues të vrarë gjatë shtypjes së demonstratave në janar.
Pahlavi shprehet se rruga përpara për Iranin duhet të përfshijë një kushtetutë të re, të hartuar dhe ratifikuar me referendum, e ndjekur nga zgjedhje të lira me “mbikëqyrje ndërkombëtare”.
Ai përfundon duke thënë: “Historia rrallë i njofton pikat e saj të kthesës paraprakisht. Por vijnë momente kur guximi, lidershipi dhe solidariteti mund të ndryshojnë rrjedhën e kombeve”.