Mbreti Harald V i Norvegjisë ndahet nga jeta në moshën 89-vjeçare
Mbreti Harald V i Norvegjisë ka ndërruar jetë në moshën 89-vjeçare, sipas njoftimit të Pallatit Mbretëror. Ai ishte shtruar prej disa ditësh në Spitalin Universitar të Oslos, ku po merrte trajtim për një infeksion bakterial në gjak.
Harald V drejtonte monarkinë norvegjeze që nga viti 1991, kur mori fronin pas vdekjes së babait të tij, Mbretit Olav V. Gjatë më shumë se tre dekadave mbretërimi, ai u dallua për qasjen e tij moderne ndaj monarkisë dhe për lidhjen e ngushtë me qytetarët norvegjezë.
Ky lajm vjen pas disa ditësh shqetësimi për gjendjen shëndetësore të mbretit. Të enjten, Pallati Mbretëror kishte informuar se gjendja e tij ishte përkeqësuar ndjeshëm, ndërsa familjarë të afërt qëndruan pranë tij në spital. Harald V, i lindur më 21 shkurt 1937, ishte 89 vjeç.
Me vdekjen e tij, vëmendja pritet të kthehet te procesi i trashëgimisë së fronit, ku Princi i Kurorës Haakon është trashëgimtari i parë.