Epidemitë e përhapura nga mushkonjat, raportohen më shumë se 30 viktima në Kubë
Më shumë se 30 persona, përfshirë 21 fëmijë dhe adoleshentë, kanë vdekur nga shpërthimet e etheve dengue dhe chikungunya në Kubë, njoftuan autoritetet shëndetësore.
“Janë regjistruar gjithsej 33 vdekje për shkak të arboviruseve,” tha zëvendësministrja e Shëndetësisë.
Epidemia e chikungunya-s, një sëmundje që shfaqet me temperaturë shumë të lartë dhe dhimbje të kyçeve, shpërtheu në korrik në provincën e Matanzas (perëndim), e cila kufizohet me Havanën. Pastaj, brenda pak muajsh, ajo u përhap në të gjitha 15 provincat e ishullit, ku në të njëjtën kohë po përhapet edhe një epidemi e etheve dengue.