Si Vodafone Albania e ktheu filozofinë “Pyet një herë” në standard shërbimi
Sa herë jeni detyruar të prisni në radhë për një shërbim, apo të kërkoni mes korridoreve të një institucioni apo kompanie për të bërë vetëm një pyetje? Të gjithë e dimë përgjigjen dhe e kuptojmë se koha e shpenzuar për të marrë një shërbim, për të shprehur një kërkesë apo problematikë, është e çmuar për këdo.
Klientët e Vodafone Albania janë pika qendrore e Rrjetit Numër 1 në Shqipëri, duke u siguruar që të jenë sa më koherentë, efektivë dhe praktikë. Kjo qasje ishte pikërisht ajo me të cilën u konceptua “Pyet një herë”, një filozofi që Vodafone e ka fituar tashmë nga klientët, të cilët e vlerësojnë, por edhe e shtyjnë të përmirësohet çdo ditë.
Falë kërkesave dhe sugjerimeve nga përdoruesit besnikë, Vodafone Albania e ka përmirësuar këtë qasje me një premtim të thjeshtë, por të fuqishëm: “Pyet një herë.” Por, a po mbahet ky premtim?
Dëshmia më reale janë vetë klientët. Një kliente rrëfen një ndryshim që Vodafone e përmend sot me krenari: për çdo kërkesë, ekziston një person i dedikuar që e ndjek rastin nga fillimi deri në fund. Kjo kursen kohë, forcon besimin dhe i jep çdo klienti ndjesinë e reciprocitetit.
“Mu përgjigjën menjëherë në telefon, vajza ishte shumë e sjellshme. Ishte vetëm një person që e ndoqi rastin tim nga fillimi deri në fund. Pra, nuk mu desh që të telefonoja përsëri apo që t’ua shpjegoja njerëzve të tjerë. Ndihem e vlerësuar dhe e dëgjuar, pasi kërkesa që kisha, me të vërtetë u zgjidh shumë shpejt,” – u shpreh klientja.
Një rrëfim i dytë përforcon atë që shpesh mbetet thjesht në fjalë: vetëdijen se pa klientin, çdo kompani humb qëllimin e vet.
“Me të thënë të vërtetën, unë i kam besuar gjithnjë Vodafone, nuk e kam marrë parasysh ankesën që kisha. Sepse Vodafone ka diçka shumë të mirë që jo të gjithë e kanë: në qendër të tij kanë klientin. Dhe klienti nuk ka nevojë vetëm për zgjidhjen e problemit, por ndonjëherë edhe për besnikërinë që i shfaqet. Përveç zgjidhjes së problemit, përfitojmë shërbim efikas dhe gjithashtu besnikëri,” – u shpreh një tjetër kliente.
Ndërkohë, një rrëfim i tretë, përveçse na fali buzëqeshje për çiltërsinë e tij, na vërtetoi edhe një tjetër anë që Vodafone përmbush çdo ditë: aftësinë për t’u përshtatur, si me rrjetin më të shpejtë 5G, ashtu edhe me ritmin e gjeneratës Z.
“Unë jam kliente e Vodafone që nga klasa e pestë. Eksperiencën e fundit e kam pasur në korrik, ku më duhej të dërgoja një detyrë për shkollën në platformën “Google Classroom”. S’kisha internet, detyrën e kisha lënë për momentin e fundit. Kështu që mora në telefon shërbimin ndaj klientit dhe më dhanë një zgjidhje që nuk e prisja, arrita të përfundoja shpejt detyrën me hotspot,” – u shpreh ajo.
Me fjalë të tjera, “Pyet një herë” është mënyra sesi Vodafone zgjedh të dëgjojë, të reagojë dhe të përmirësohet çdo ditë. Sepse pas çdo kërkese apo pyetjeje, qëndron një histori njerëzore dhe aty fillon përgjegjësia jonë.
Në fund, nuk është teknologjia ajo që bën ndryshimin, por mënyra si ajo përdoret për t’u bashkuar me njerëzit. Dhe në këtë raport, Vodafone ka një premtim të thjeshtë: për çdo kërkesë, mjafton të pyesësh vetëm një herë!