Ushtria izraelite zbulon një tunel 7 kilometra të gjatë në Rripin e Gazës
Forcat Mbrojtëse të Izraelit (IDF) kanë zbuluar një tunel 7 kilometra të gjatë, i cili u përket grupeve radikale në pjesën jugore të Rripit të Gazës.
“Ky është një nga tunelet më të gjata dhe më komplekse të zbuluara në Rripin e Gazës. Ai është mbi 7 kilometra i gjatë dhe shtrihet 25 metra nën tokë. Brenda tunelit janë ndërtuar rreth 80 bunkerë, përfshirë poste komandimi të përdorura nga udhëheqja e lartë e Hamasit për të ruajtur armë, për të strehuar për periudha të gjata dhe për të planifikuar sulme kundër ushtarëve të Forcave Mbrojtëse të Izraelit”, thuhet në një deklaratë.
Sipas ushtrisë izraelite, një nga komandantët e lartë të Hamasit që e ka përdorur këtë tunel ishte Mohammed Shaban, komandant i Brigadës Rafah.
Shërbimi për shtyp theksoi se tuneli u gërmua pranë Korridorit të Filadelfias, afër kufirit egjiptian, në një “zonë të populluar”.