Zelensky i jep ultimatum Lukashenkos: Tërhiqni pajisjet ushtarake nga kufiri, keni një javë kohë përndryshe do të veprojmë vetë!
Presidenti i Ukrainës, Volodymyr Zelensky, i ka dërguar një paralajmërim të fortë udhëheqësit të Bjellorusisë, Alexander Lukashenko, duke kërkuar tërheqjen e pajisjeve ushtarake të vendosura pranë kufirit me Ukrainën.
Në një deklaratë të tij, Zelensky theksoi se nuk ndihet i prekur nga komentet e Lukashenkos, por shprehu shqetësimin kryesor për praninë e pajisjeve që, sipas tij, përdoren për të shkaktuar dëme në territorin ukrainas.
“Nuk jam i ofenduar nga fjalët e Lukashenkos, por përgjatë kufijve me Ukrainën ka pajisje që drejtojnë zjarrin drejt Ukrainës. Po jap një javë kohë që ato të tërhiqen, përndryshe do ta bëjmë vetë”, deklaroi presidenti ukrainas.