Presidenti ukrainas, Volodymyr Zelensky, do të udhëtojë sot drejt Suedisë, ku dy vendet pritet të lidhin një marrëveshje për eksportin e armëve. Këtë informacion e ka bërë të ditur qeveria suedeze të martën.
Zelensky dhe kryeministri suedez, Ulf Kristersson, do të zhvillojnë një takim në qytetin Linköping, vendndodhja e grupit Saab, i cili prodhon avionët luftarakë Gripen.
Sipas njoftimit të qeverisë, “Pas takimit të tyre, zotërinjtë Kristersson dhe Zelensky do të mbajnë një konferencë të përbashkët për shtyp për të bërë një njoftim në fushën e eksporteve të mbrojtjes”.