Zelensky: Kremlini refuzoi armëpushimin e Krishtlindjeve
Volodymyr Zelensky i ka shprehur mirënjohjen homologut të tij kanadez pas takimit të tyre të sotëm në Halifax, Nova Scotia.
Kryeministri i Kanadasë dënoi serinë e fundit të sulmeve ajrore ruse në Ukrainë, duke i cilësuar si akte “barbarizmi” menjëherë pas mbërritjes së Zelensky.
Presidenti i Ukrainës, duke postuar në Telegram, deklaroi se “Rusia vazhdon të torturojë qytetet dhe popullin tonë. Moska madje ka refuzuar propozimet për një armëpushim për Krishtlindje dhe po përshkallëzon brutalitetin e sulmeve me raketa dhe dronë.”
“Ky është një sinjal i qartë se si e shohin ata vërtet diplomacinë atje. Deri më tani, kjo nuk është marrë mjaftueshëm seriozisht,” shtoi ai.