Zelensky: Vetëm Trump mund ta sjellë Putinin në tryezë të bisedimeve
Udhëheqësit evropianë i kanë kërkuar presidentit amerikan, Donald Trump, të përpiqet të thyejë bllokimin për t’i dhënë fund luftës në Ukrainë. Ata kanë propozuar që ai të organizojë bisedime në SHBA midis Volodymyr Zelenskyt dhe Vladimir Putinit.
Në samitin e G7, presidenti Zelensky u shpreh se ekziston një mosmarrëveshje e thellë midis udhëheqësve ukrainas dhe rusë, e cila vështirëson arritjen e një zgjidhjeje. Ai u zotua të bënte çmos për të ndihmuar dhe shtoi se Moska duhet të bëjë një marrëveshje, duke theksuar se kishte humbur shumë njerëz, njësoj si Ukraina.
Udhëheqësit e G7, të cilët përfshijnë SHBA-në, Japoninë, Francën, Kanadanë, Mbretërinë e Bashkuar, Italinë dhe Gjermaninë, ranë gjithashtu dakord të shtojnë sanksionet ndaj energjisë ruse. Bashkimi Evropian po përgatit tashmë paketën e 21-të të sanksioneve, duke përfshirë kufizime në shitjen e cisternave të gazit natyror të lëngshëm (LNG) në Rusi.
Zelensky deklaroi se kishte diskutuar me udhëheqësit e G7 disa propozime për forcimin e sanksioneve dhe “presionin politik” kundër Rusisë, veçanërisht lidhur me konfiskimin e flotës së saj të naftës në hije. Megjithatë, ai beson se do të jetë presidenti i SHBA-së ai që do të mund ta sjellë Putinin në tryezën e negociatave.
“Mendoj se Donald Trump mund ta bëjë këtë, kryesisht vetëm ai,” tha ai.