Festimet morën një kthesë të papritur! 17 fëmijë përfundojnë në spital të helmuar, dyshohet se…
Një ngjarje serioze është regjistruar në Itali, ku 17 fëmijë dhe 7 të rritur dyshohet se janë helmuar nga monoksidi i karbonit. Helmimi mendohet se është shkaktuar nga një ngrohës me defekt gjatë një feste.
Festa po zhvillohej në një ambient të siguruar nga një kongregacion fetar në Via Gio Batta Roggerone, në zonën Genoa Rivarolo, në luginën e sipërme të lumit Bisagno. Ngjarja u ndërpre nga ndërhyrja e shërbimeve të emergjencës dhe pjesëmarrësit u shtruan në spital.
Sipas informacioneve të para, simptomat e para të helmimit u shfaqën te fëmijët më të vegjël, të cilët kishin moshën nga tre muajsh deri në 12 vjeç. Pak më vonë, simptoma të ngjashme u manifestuan edhe te të rriturit.
Fëmijët u transportuan në Spitalin Pediatrik Gaslini në Xhenova, ku disa prej tyre morën terapi me oksigjen. Spitali njoftoi se të gjithë pacientët janë nën mbikëqyrje mjekësore të vazhdueshme, në gjendje të qëndrueshme dhe jashtë rrezikut për jetën.
Ndërkohë, të rriturit u shtruan në Spitalin San Martino, ku iu nënshtruan terapisë hiperbarike, një trajtim i specializuar i cili përdoret në rastet e helmimit nga monoksidi i karbonit.
Autoritetet kanë nisur hetimet për të përcaktuar shkaqet e sakta të incidentit dhe për të verifikuar kushtet teknike të ngrohësit që dyshohet se ka shkaktuar helmimin.