Mashtrim dashurie dhe vrasje e trefishtë: Pakistanezi në Spanjë shpallet fajtor për vdekjen e dy grave dhe vëllait të tyre të paralizuar
Një 40-vjeçar pakistanez është shpallur fajtor nga një gjykatë në Spanjë për vrasjen e dy grave dhe të vëllait të tyre të paralizuar. Viktimat kishin rënë pre e një “mashtrimi dashurie” online dhe kishin marrë hua shuma të mëdha parash nga ai.
Juristët shpallën fajtor Dilaëar Husein, pas përfundimit të gjykimit njëjavor. Vendimi për dënimin e tij do të shpallet pas disa ditësh, por prokuroria ka kërkuar dënimin me 36 vjet burgim.
Husein ka pranuar vrasjen e dy motrave dhe vëllait të tyre të paralizuar në Morata de Tajuna, afër Madridit, në dhjetor 2023. Ai u dorëzua në polici një muaj më vonë, pasi u zbuluan trupat. Viktimat ishin pjesërisht të djegura dhe, sipas provave, ishin goditur me çekiç deri në vdekje.
Mediat spanjolle raportuan se vrasja e trefishtë ishte lidhur me një mashtrim dashurie, i cili i kishte shtyrë dy motrat të merrnin hua para nga Dilaëar Husein. Fqinjët e viktimave zbuluan se ato kishin pasur një lidhje online me dy persona që prezantoheshin si ushtarë amerikanë. Njëri prej tyre madje përdorte fotografinë e Ëesley Clark, ish-komandant i lartë i NATO-s.
Njëri nga mashtruesit i bëri gratë të besonin se tjetri kishte vdekur dhe kishte nevojë për para për të nisur procedurat e trashëgimisë së pasurisë së tij, që arrinte në disa milionë euro. Gratë filluan të mblidhnin para, duke kërkuar fillimisht ndihmë nga fqinjët. Husein, i cili ishte shpërndarës i qirasë për to, u dha atyre të paktën 50.000 euro.
Në fillim të vitit 2023, njëra nga motrat u sulmua pasi nuk mundën të shlyenin këtë borxh. Në atë rast, Husein e goditi atë në kokë me një shufër metalike. Ai u dënua me dy vjet burg, por u la me kusht në shtator 2023, pasi nuk kishte pasur precedentë penalë deri atëherë.
Në shkurt 2024, ndërkohë që ishte në burg në Madrid për vrasjen e trefishtë, Husein u akuzua për një vrasje të katërt, atë të një bashkëburgu bullgar. Ai do të gjykohet për këtë çështje në një proces të veçantë.