Presidenti sirian, Ahmed al-Sharaa, do të marrë pjesë në Samitin e Liderëve të COP30.
Ky samit mbahet në kuadër të Konferencës së 30-të të Palëve (COP30) të Konventës Kornizë të Kombeve të Bashkuara (OKB) për Ndryshimet Klimatike.
Sipas raportimeve, presidenti sirian do të udhëtojë drejt Brazilit nesër.
“Presidenti Ahmed Sharaa do të zhvillojë një vizitë zyrtare në Brazil më 6-7 nëntor, ku do të marrë pjesë në takime me dhjetëra udhëheqës dhe krerë shtetesh nga vende të ndryshme të botës”, thuhet në një deklaratë.
Raportohet se kjo do të jetë pjesëmarrja e parë në një Samit të tillë në nivel presidencial nga Siria.