Partizani përballet me mungesë alternativash në mbrojtje; trajneri Kërnaja i papërgatitur për situatën e re.
Partizani ka përfunduar në një situatë të papritur dhe jo të dëshiruar. Në sfidën e fundit kundër Vorës, e cila u luajt më 4 nëntor, skuadra e Tiranës u detyrua të bënte një zëvendësim të pazakontë në mbrojtjen e qendrës. Një mesfushor u fut në vend të një mbrojtësi, pasi Marçelino Preka nuk mundi të vazhdonte lojën pas 55 minutave.
Vendin e Prekës e mori Adnard Mehmeti, pasi nuk kishte asnjë lojtar tjetër të specializuar në qendrën e mbrojtjes në stol. Mehmeti ka përvojë në këtë rol, duke u aktivizuar më parë nën drejtimin e Arbër Abilalias dhe Skënder Gegës. Megjithatë, këtë herë aktivizimi i tij ishte i domosdoshëm për shkak të mungesës së Mateo Çipit dhe Saliu Sembenes.
Më herët, Janjeva ishte aktivizuar në krahun e djathtë të mbrojtjes, duke zëvendësuar Albion Markun, i cili gjithashtu ishte i dëmtuar. Kjo situatë vjen pas problemeve që Partizani ka pasur më parë në qendër të sulmit gjatë këtij edicioni të Superiores, ku është eksperimentuar me aktivizimin e Besar Gudjufit.
Mbetet të shihet se si do të veprojë skuadra ndaj Teutës në ndeshjen e ardhshme, përballë këtyre mungesave të theksuara.