Trump: Jam i bindur se mund t’i jap fund konfliktit mes Rusisë dhe Ukrainës
Presidenti i Shteteve të Bashkuara të Amerikës, Donald Trump, ka përsëritur besimin e tij se lufta Rusi-Ukrainë do të përfundojë, por në të njëjtën kohë ka shprehur zhgënjim me qasjen e Moskës ndaj këtij procesi. Ai e bëri këtë deklaratë gjatë një fjalimi në forumin e biznesit SHBA-Arabia Saudite në Uashington.
“Kam zgjidhur tetë luftëra dhe më ka mbetur edhe një për të zgjidhur. E dini për çfarë lufte po flas. Mendova se kjo do të ishte lufta më e lehtë për t’u zgjidhur sepse kam një marrëdhënie të mirë me presidentin rus Putin. Por jam pak i zhgënjyer nga Putini dhe ai e di këtë”, tha Trump.
Në të njëjtën kohë, ai shprehu besim se lufta midis Rusisë dhe Ukrainës do të zgjidhej.