Fermerët në protestë, mbi 6 mijë traktorë dhe dhjetëra rrugë të bllokuara në Greqi
Moti i keq nuk i ka penguar fermerët në Greqi të vazhdojnë protestat bujqësore. Të paktën 14 bllokime rrugore raportohen në të gjithë vendin, ku mbi 6,000 traktorë kanë dalë në rrugë.
Fermerët i kanë parkuar makineritë e tyre në dogana, kryqëzime dhe pika kyçe të rrugëve kombëtare. Pritet që gjatë fundjavës të ketë bllokime të reja.
Fermerët dhe blegtorët e Janinës, tashmë në ditën e 6-të të protestave, po bllokojnë kryqëzimin e Kalpakit me traktorë nga ora 8:30 e mëngjesit dhe kanë njoftuar se do të qëndrojnë aty deri në orën 12:00.
Parashikohet që ky kryqëzim të mbyllet sërish nga ora 19:00 deri në orën 22:00 të mbrëmjes, ndërsa protestat do të vijojnë edhe ditën e nesërme.