Izraeli shpall kufirin e ri me Rripin e Gazës: “Nuk do lejojmë që Hamasi të riorganizohet”
Shefi i Forcave të Armatosura të Izraelit, nëngjenerali Ejal Zamir, ka deklaruar se zona e demilitarizuar në kufirin me Rripin e Gazës përfaqëson “kufirin e ri” me Izraelin. Këto komente u bënë nga Rripi i Gazës, ku ai foli për ushtarë rezervistë.
Sipas një njoftimi të ushtrisë, nëngjenerali Zamir u shpreh se “linja e verdhë përfaqëson një kufi të ri, një vijë të avancuar mbrojtjeje për pozicionet izraelite dhe një vijë sulmi”. Ai shtoi: “Ne nuk do të lejojmë që Hamasi të rimblidhet. Kontrollojmë pjesë të mëdha të Rripit të Gazës dhe mbajmë linjat strategjike”.
Forcat izraelite pritet të tërhiqen gradualisht nga Rripi i Gazës, sipas marrëveshjes së armëpushimit me Hamasin. Tërheqja fillestare brenda territorit të përcaktuar nga linja e verdhë nisi pas fillimit të armëpushimit më 10 tetor.
Zamir theksoi gjithashtu se Izraeli pret kthimin e të gjithë pengjeve të vdekur. “Shumica dërrmuese e pengjeve tanë është kthyer, por misioni ynë nuk do të përfundojë deri sa të kthehet i fundit peng i vdekur, kapiteni Ran Gvili,” deklaroi ai.