Indonezi: Zjarr i madh në një ndërtesë shtatëkatëshe në Xhakartë, 17 të vdekur dhe dhjetëra të bllokuar
Një zjarr i përmasave të mëdha ka përfshirë të dielën një ndërtesë shtatëkatëshe në kryeqytetin indonezian, Xhakartë, duke rezultuar në të paktën 17 viktima.
Ky lajm u konfirmua nga mediumi lokal Kompas TV, i cili raportoi gjithashtu se disa persona të tjerë vijojnë të jenë të bllokuar brenda godinës.
Zjarri është shuar tashmë, ndërsa ekipet e shpëtimit po vijojnë operacionet për evakuimin e plotë të ndërtesës.
Objekti ku ndodhi ngjarja strehon zyrat e Terra Drone Indonesia, një kompani që ofron shërbime me dronë për mbikëqyrje ajrore, duke shërbyer një gamë të gjerë klientësh, përfshirë sektorët e bujqësisë dhe atë minerar.
Pamjet e transmetuara nga Kompas TV tregojnë dhjetëra zjarrfikës që punojnë për të shpëtuar personat e mbetur në ndërtesë, si dhe ekipe të tjera që transportojnë trupat e viktimave jashtë godinës.