Aksident në aksin Fier-Levan, automjeti “Audi” përfundon në kanal pas përplasjes me një autobus.
Një aksident ka ndodhur mëngjesin e sotëm në aksin Fier-Levan, në zonën e njohur si “Kthesa e Azotikut”. Sipas informacioneve paraprake, një autobus që po udhëtonte drejt Vlorës është përplasur me një automjet tip “Audi”. Si pasojë e përplasjes, automjeti “Audi” ka dalë nga rruga dhe ka përfunduar në kanalin anësor. Për fat të mirë, nuk raportohet të ketë të lënduar.
Në vendngjarje kanë mbërritur menjëherë shërbimet e policisë dhe grupi hetimor. Ata po punojnë për të përcaktuar shkaqet e aksidentit dhe për të menaxhuar trafikun në zonë.