“`html
AKSHI në Kadastër: Berisha pretendon se 93% e tenderave i shkuan baxhanakut të Ramës, Armand Frangu
Kryetari i Partisë Demokratike, Sali Berisha, ka akuzuar Agjencinë Kombëtare të Shërbimit të Informacionit (AKSHI) se ka shtrirë ndikimin e saj edhe në Kadastrat e vendit.
Gjatë një komunikimi me gazetarët, kreu i PD-së deklaroi se:
- “Edi Rama, prej pothuaj një viti, ka bllokuar kadastrën nga çdo lloj kontrolli.”
- Ai pretendon se Rama ka dërguar këshilltarë për të kërcënuar drejtues institucionesh, të cilët kanë detyrën e kontrollit.
- “Kthetrat e zeza të AKSHI-t, në fakt të Edi Ramës nëpërmjet AKSHI-t, janë shtrirë si tentakula në kadastrat e vendit,” tha Berisha.
Sipas tij, personat kyç në këtë çështje janë:
- Edi Rama dhe Ergys Agasi, të cilët sipas Berishës, kanë kontrolluar pronat e shqiptarëve dhe të shtetit, veçanërisht në zonën e Jonit.
- Berisha e cilësoi zyrën e Ergys Agasit si “zyra e kryeministrit në hije të Shqipërisë protektorat krimi”.
Lidhur me tenderat e AKSHI-t, Sali Berisha tha:
- “Afera më e zezë e të gjitha të zezave është AKSHI i familjes Rama.”
- Ai pretendon se deri pak vite më parë, fituesi de facto i të gjitha tenderave ishte Armand Frangu, kunati i Linda Ramës (baxhanaku i Edi Ramës).
- Pas zbulimit të ndërhyrjes së bashkëshortes së kryeministrit, thuhet se tenderat janë dhënë nëpërmjet personave të tretë (prestanome).
- “93 përqind të të gjitha tenderave… fitoheshin nga dy kompani, të dyja në fakt kompani të Armand Frangut. Kompania e Ermal Beqirit dhe Ergys Agasit,” deklaroi Berisha.
- Ai ngre dyshimin se këto kompani kanë siguruar fitime të mëdha pa kryer asnjë veprim konkret, duke përmendur rastin e një kompanie të regjistruar me 1 mijë euro, e cila pas 4 muajsh kishte dhjetëra milionë euro në llogari, me shpenzime minimale.
- “Përvetësuar qindra e qindra milionë euro nëpërmjet prestanomeve, banditëve si Ergys Agasi, Ermal Beqiri, etj,” përfundoi Berisha.
“`