Venezuela Liron 87 Të Burgosur Politikë
Në Venezuelë, 87 persona janë liruar me rastin e Vitit të Ri, sipas njoftimit të dy organizatave joqeveritare. Ky lir
ky lirim vjen një javë pasi autoritetet kishin njoftuar lirimin e 99 të burgosurve të tjerë për shkak të Krishtlindjeve.
Komisioni për Lirinë e të Burgosurve Politikë (Clippve) njoftoi se “Sot në mëngjes, më 1 janar, nënat dhe të afërmit raportuan lirimet e mëtejshme të të burgosurve politikë nga burgu i sigurisë maksimale të Tocoron”, i cili ndodhet në shtetin Aragua, rreth 134 kilometra nga Karakasi.
Mediat e huaja raportojnë se të gjithë personat e liruar ishin arrestuar gjatë krizës politike të shkaktuar nga rizgjedhja e Nicolás Maduro për një mandat të tretë presidencial në korrik 2024. Opozita kishte akuzuar për mashtrim në atë kohë.
Pas shpalljes së Maduro-s si fitues i zgjedhjeve, u organizuan protesta, të cilat çuan në arrestimin e rreth 2,400 personave, të cilët vetë presidenti i cilësoi si “terroristë”.