SHBA paralajmëron për sulme kundër Iranit; zyrtarë sauditë dhe izraelitë në bisedime në Uashington
Zyrtarë të lartë të mbrojtjes dhe inteligjencës nga Izraeli dhe Arabia Saudite po zhvillojnë bisedime në Uashington këtë javë, si të ftuar të qeverisë amerikane, me fokus të diskutimeve Iranin.
Presidenti Donald Trump ka urdhëruar një përforcim të pranisë ushtarake amerikane në Gjirin Persik, në mënyrë që të jenë të përgatitur për veprime të mundshme ushtarake.
Izraeli, Arabia Saudite dhe vende të tjera në rajon kanë qenë në gatishmëri të lartë për ditë të tëra, duke parashikuar një sulm të mundshëm nga ana e Shteteve të Bashkuara.
Zyrtarë të Shtëpisë së Bardhë theksojnë se Donald Trump ende nuk ka marrë një vendim përfundimtar. Megjithatë, të mërkurën, ai e paralajmëroi përsëri Iranin, duke deklaruar se “sulmet do të jenë shumë më të këqija” se ato të mëparshmet.