KQZ shpall rezultatet përfundimtare të zgjedhjeve në Kosovë, nuk miratohet përbërja e Listës Serbe
Komisioni Qendror i Zgjedhjeve (KQZ) ka shpallur rezultatet përfundimtare të zgjedhjeve të parakohshme parlamentare të mbajtura më 28 dhjetor në Kosovë. Anëtarët e KQZ-së miratuan listat e kandidatëve të të gjitha partive, me përjashtim të Listës Serbe, partisë më të madhe të serbëve në Kosovë.
Vendimi për Listën Serbe u mor me tre vota pro dhe dy kundër nga Lëvizja Vetëvendosje, ndërsa anëtarët e tjerë abstenuan. Kryetari i KQZ-së, Kreshnik Radoniqi, ka sqaruar se palët kanë të drejtë ankese ndaj rezultatit brenda 48 orësh pranë Paneli Zgjedhor për Ankesa dhe Parashtresa (PZAP).
Sipas të dhënave zyrtare të KQZ-së, Lëvizja Vetëvendosje ka fituar 51.10% të votave, duke siguruar 57 ulëse në Kuvendin e Kosovës. Partia Demokratike e Kosovës ka marrë 20.19% të votave (22 ulëse), Lidhja Demokratike e Kosovës 13.24% (15 ulëse), dhe Aleanca për Ardhmërinë e Kosovës 5.50% (gjashtë ulëse).
Nga ulëset e rezervuara për minoritetin serb, Lista Serbe ka fituar nëntë ulëse, ndërsa Partia për Liri, Drejtësi dhe Mbijetesë ka siguruar një ulëse.
Emrat e deputetëve të ardhshëm:
- Lëvizja Vetëvendosje: Albin Kurti, Glauk Konjufca, Albulena Haxhiu, Hekuran Murati, Donika Gërvalla – Scharz, Xhelal Sveçla, Hajrullah Çeko, Avni Dehari, Mimoza Kusari – Lila, Ejup Maqedonci, Shqipe Mehmeti – Selimi, Andin Hoti, Arben Vitia, Saranda Bogujevci, Edona Llalloshi, Alban Bajrami, Mefail Bajqinovci, Nezir Kraki, Armend Muja, Adriana Matoshi, Rufki Suma, Jeta Statovci, Ardian Gola, Haxhi Avdyli, Blerim Gashi, Adelina Grainca, Albena Reshitaj, Fatos Geci, Agim Bahtiri, Fitore Pacolli – Dalipi, Artane Rizvanolli – Berisha, Taulant Kelmendi, Dimal Basha, Labinotë Demi – Murtezi, Arbëreshë Kryeziu – Hyseni, Arbër Rexhaj, Arjeta Fejzaj, Hysen Durmishi, Artan Abrashi, Arbërie Nagavci, Enver Haliti, Liza Gashi, Adnan Rrustemi, Valon Ramadani, Jeton Raka, Drita Pajaziti, Fatmire Kollqaku, Rozeta Hajdari, Arsim Ademi, Salih Zyba, Fitim Haziri, Fjolla Ujkani, Ilir Kërçeli, Sylejmani Meholli, Vigan Qorolli, Naim Bardiqi dhe Valon Hoti.
- Partia Demokratike e Kosovës: Bedri Hamza, Arian Tahiri, Përparim Gruda, Uran Ismaili, Sala Jashari, Vlora Çitaku, Arben Mustafa, Enver Hoxhaj, Rrahman Rama, Nait Hasani, Eman Rrahmani, Ganimete Musliu, Elmi Reçica, Artan Behrami, Kujtim Gashi, Xhavit Haliti, Besa Kabashi – Ramaj, Mërgim Lushtaku, Ferat Shala, Arbnore Salihu, Blerta Deliu – Kodra, Ariana Musliu- Shoshi.
- Lidhja Demokratike e Kosovës: Lumir Abdixhiku, Hykmete Bajrami, Ukë Rugova, Avdullah Hoti, Doarsa Kica- Xhelili, Kujtim Shala, Anton Quni, Armend Zemaj, Lutfi Haziri, Jehona Lushaku- Sadriu, Janina Ymeri, Besian Mustafa, Adelina Thaçi – Meta, Fadil Hadërgjonaj dhe Ermal Sadiku.
- Aleanca për Ardhmërinë e Kosovës: Ramush Haradinaj, Daut Haradinaj, Besnik Tahiri, Bekë Berisha, Albana Bytyçi dhe Time Kadrijaj.
- Lista Serbe: Sllavko Simiq, Igor Simiq, Liljana Stefanoviq, Millan Kostiq, Nemanja Bishevac, Zllatan Ellek, Milljana Nikolliq, Serxhan Popoviq dhe Verica Çernaniq.
- Partia për Liri, Drejtësi dhe Mbijetesë: Nenad Rashiq.
- Komunitetet tjera joserbe: Ergyl Mazrek, Fatma Taçi, Rasim Demiri, Emilja Rexhepi, Elbert Krasniqi, Duda Balje, Veton Berisha, Artan Asllani, Adem Hoxha dhe Erxhan Galushi.
Kuvendi i Kosovës ka 120 ulëse, ku dhjetë janë të rezervuara për minoritetin serb dhe dhjetë për minoritetet joserbe, sipas Kushtetutës.
KQZ-ja publikoi këto rezultate pasi përfundoi procesin e rinumërimit të votave, të kryer pas dyshimeve për manipulime. Gjatë këtij procesi, numri i votave për disa kandidatë ndryshoi ndjeshëm, ndërsa votat për partitë mbetën të pandryshuara. Autoritetet kanë ndërmarrë veprime ligjore dhe po vazhdojnë hetimet për këto dyshime.
Njohës të çështjeve politike, si Agon Maliqi, kanë vënë në dukje se ndryshimi në mënyrën e votimit dhe numri më i ulët i vëzhguesve gjatë festave të fundvitit mund të kenë kontribuar në këto manipulime. Ata theksojnë se manipulime të tilla kanë ndodhur edhe në të kaluarën, me ose pa miratimin e udhëheqësive partiake.
Përfaqësues të partive politike dënuan dyshimet për manipulime dhe kërkuan ndjekje penale. Kodit Penal i Republikës së Kosovës parashikon dënim me burgim deri në pesë vjet për manipulim të qëllimshëm të votës ose rezultatit zgjedhor.
Pas certifikimit të rezultateve, hapet rruga për formimin e institucioneve të reja. Kryeministri në detyrë, Albin Kurti, pritet të formojë qeverinë e re me Lëvizjen Vetëvendosje. Ai ka theksuar nevojën për një raport të ri mes pushtetit dhe opozitës për çështje madhore si pozita e presidentit dhe miratimi i marrëveshjeve ndërkombëtare, për të cilat nevojitet shumica e cilësuar (dy të tretat e votave).