Ish-ambasadori britanik në SHBA nën hetim për akuza për ndarje informacionesh sekrete me Jeffrey Epstein
Peter Mandelson, ish-ambasador britanik në Uashington dhe Komisioner Evropian i Tregtisë, është aktualisht nën hetim për akuza se ka ndarë informacione qeveritare të ndjeshme me Jeffrey Epstein, ndërsa shërbente në qeveri më shumë se një dekadë më parë.
Kryeministri britanik Keir Starmer gjithashtu po përballet me presion përsa i përket procesit të verifikimit që ka çuar në emërimin e Mandelson si ambasador i Mbretërisë së Bashkuar në SHBA, sipas BBC.
Kronologjia e veprimtarisë së Mandelson:
- Dhjetor 2024: Mandelson emërohet ambasador i Mbretërisë së Bashkuar në SHBA.
- 9 shtator 2025: Ligjvënësit amerikanë publikojnë korrespondenca të mëtejshme të Epstein, duke përfshirë email-e të vitit 2008 ku Mandelson shpreh mbështetjen e tij pasi financuesi u dënua për nxitje prostitucioni ndaj një të miture. Mandelson i kishte shkruar Epstein: “Unë mendoj për ty,” një ditë para se të fillonte dënimin me burg.
- 11 shtator 2025: Starmer shkarkon Mandelson nga detyra e ambasadorit të Mbretërisë së Bashkuar në Uashington për shkak të lidhjeve të tij me Epstein.
- 11 janar 2026: Në një intervistë me Laura Kuenssberg të BBC-së, Mandelson deklaron se nuk ka parë kurrë të mitura në pronat e Epstein dhe nuk pranon të kërkojë falje për ruajtjen e miqësisë së tij me financuesin.
- 30 janar 2026: Publikohen dosje të mëtejshme të Epstein, të cilat sugjerojnë se Mandelson i ka kaluar informacione të brendshme qeveritare Epstein gjatë kohës së tij si sekretar biznesi në vitin 2009. Ato gjithashtu sugjerojnë që Epstein i ka bërë pagesa Mandelsonit, të cilat Mandelson thotë se nuk i kujtohen.
- 3 shkurt 2026: Mandelson jep dorëheqjen nga Dhoma e Lordëve dhe fillojnë përpjekjet për ta larguar nga roli i tij. Policia nis një hetim penal.