Izraeli, kabineti i Sigurisë mblidhet në takim urgjent para bisedimeve SHBA-Iran
Kabineti izraelit i sigurisë është mbledhur në një seancë urgjente, përpara bisedimeve të planifikuara mes Iranit dhe Shteteve të Bashkuara të Amerikës, siç konfirmoi sot një zyrtar izraelit. Faqja e internetit e lajmeve ynet raportoi se takimi, i cili fillimisht ishte planifikuar të zhvillohej të dielën, është shtyrë.
Sipas burimeve iraniane, bisedimet me SHBA-në do të zhvillohen nesër në kryeqytetin e Omanit, Muscat. Teherani ka deklaruar se synon t’i kufizojë bisedimet në programin e tij bërthamor, ndërsa Uashingtoni dëshiron të përfshijë në axhendë programin e raketave të Iranit, shkeljet e të drejtave të njeriut dhe mbështetjen e tij për grupe të armatosura anti-izraelite, si Hamasi, Hezbollahu dhe Huthët.
Qeveria izraelite beson se bisedimet SHBA-Iran mund të dështojnë. “Ynet” raportoi shqetësimet e Izraelit se presidenti i SHBA-së, Donald Trump, mund të bëjë lëshime për të arritur një marrëveshje të kufizuar mbi kufizimin e programit bërthamor të Iranit.