Tragjedi në Bolivi: Autobusi bie nga shkëmbi, 14 viktima
Të paktën 14 persona kanë humbur jetën pasi një autobus doli nga rruga në Bolivi dhe ra në një greminë rreth 150 metra të thellë.
Aksidenti i rëndë ndodhi pranë komunitetit të Mocomokos, në pjesën perëndimore të vendit, ndërsa autobusi po udhëtonte drejt kryeqytetit La Paz, sipas raportimeve të mediave lokale.
Numri fillestar i viktimave ishte shtatë, por ky shifër u dyfishua disa orë më vonë.
Një zëdhënës i policisë deklaroi se banorët lokalë mbërritën të parët në vendngjarje për të liruar personat e bllokuar, përpara se të vinin ekipet e shpëtimit. Viktimat u transportuan drejt La Paz dhe qytetit fqinj El Alto.
Të dhëna për fatin e shoferit nuk ka ende, ndërsa shkaqet e aksidentit mbeten të paqarta në këtë fazë.