Presidenti i Kazakistanit, Kassym-Jomart Tokayev, ka propozuar krijimin e një çmimi të veçantë me emrin e ish-Presidentit amerikan Donald Trump.
Ky çmim do të nderojë arritjet në fushën e forcimit të paqes. Presidenti Tokayev e bëri këtë propozim gjatë takimit të parë të Këshillit të Paqes, zhvilluar në Uashington.
“Do të doja të propozoja krijimin e një çmimi të veçantë të Këshillit të Paqes me emrin e Presidentit Trump, si njohje për përpjekjet dhe arritjet e tij në fushën e ndërtimit të paqes. Jam i bindur se nën udhëheqjen tuaj, Këshilli i Paqes do ta përmbushë me sukses misionin e tij të madh dhe fisnik”, deklaroi Tokayev.