Aksident në Vlorë: Automjet “Audi” përplasi një person me biçikletë
Një aksident i rëndë ka ndodhur së fundmi në zonën pranë Rrugës Transbalkanike në Vlorë. Një automjet tip “Audi” ka përplasur një person që po lëvizte me biçikletë në këtë aks rrugor.
Sipas informacioneve paraprake, automjeti ka goditur biçiklistin teksa ky i fundit ishte në lëvizje. Personi i plagosur ka pësuar dëmtime të rënda dhe është transportuar me urgjencë në Spitalin Rajonal të Vlorës, ku ndodhet në gjendje të rëndë shëndetësore.
Forcat e Policisë kanë mbërritur në vendngjarje. Drejtuesi i automjetit është shoqëruar dhe po kryhen veprimet procedurale për zbardhjen e plotë të rrethanave të aksidentit.