Detaje nga sherri në Greqi, 17-vjeçari nga Berati mbeti i vrarë me thikë
Një konflikt mes të rinjsh, i cili filloi për një arsye që në dukje ishte banale, përfundoi në tragjedi në qytetin e Lutraqi. Një 17-vjeçar me origjinë nga Berati ka humbur jetën, ndërsa një 19-vjeçar ka mbetur i plagosur pas një përplasjeje që degjeneroi në përdorim arme të ftohtë.
Sipas informacioneve paraprake të autoriteteve greke, gjithçka ka nisur nga një mosmarrëveshje për një dëmtim të dyshuar të një motoçiklete. I riu i dyshuar si autor i sulmit u takua me 19-vjeçarin, mik i viktimës 17-vjeçare, me synimin për të sqaruar situatën. Në takim ishin të pranishëm edhe tre të rinj të tjerë.
Grupi u zhvendos me automjet drejt një zone të izoluar, në rrugën që lidh Unazën e Lutraqit me Manastiri i Shenjtë i Shën Patapiut. Aty, përplasja verbale kaloi në dhunë fizike. Sipas të dhënave paraprake, autori i dyshuar nxori një mjet prerës, duke goditur fillimisht 19-vjeçarin disa herë në kraharor. Në përpjekje për ta neutralizuar, 17-vjeçari u godit në anën e majtë të gjoksit, ndërsa një tjetër i ri mori plagë të lehta në dorë.