Ndërtimi i shkallëve lëvizëse më të gjata në natyrë në botë, në Kinë
Një qytet në Kinë ka ndërtuar sistemin më të madh të shkallëve lëvizëse në natyrë në botë. Kjo strukturë masive, me përmasa të cilat mund të ngatërrohen lehtësisht me një bulevard, njihet si “Wushan Goddess”.
Shkallët lëvizëse kanë një gjatësi totale prej rreth 905 metrash dhe arrijnë një lartësi vertikale prej 242.14 metrash, duke u shndërruar kështu në sistemin më të gjatë të këtij lloji në nivel global.
Projekti është realizuar në zonën e qytetit Chongqing, një vend i njohur për terrenin e tij malor dhe infrastrukturën e pazakontë urbane. Chongqing shpesh evidentohet për zgjidhjet e tij unike në transport dhe ndërtim. Ndër rekorde të tjera që ky qytet mban, përfshihen stacioni më i thellë i metrosë në botë dhe një linjë hekurudhore e pezulluar që kalon nëpër ndërtesa banimi.
Sistemi i ri i shkallëve lëvizëse pritet të lehtësojë lëvizjen në zonat malore të qytetit, duke u bërë njëkohësisht edhe një atraksion i ri turistik për vizitorët.