A është Rusia duke mbështetur Iranin? Trump: Putin mund t’i ndihmojë ata të mbrohen
Presidenti i Shteteve të Bashkuara, Donald Trump, ka deklaruar se homologu i tij rus, Vladimir Putin, mund të jetë duke e ndihmuar Iranin të mbrohet nga sulmet e vazhdueshme të SHBA-së dhe Izraelit.
Këto komente vijnë pas informacioneve të reja të inteligjencës, të cilat sugjerojnë se Rusia i ka ofruar Iranit informacione që mund t’i shërbejnë Teherit për të goditur anije luftarake, avionë dhe asete të tjera amerikane në rajon.
“Unë mendoj se ai mund t’i ndihmojë ata pak, po, unë mendoj kështu”, u shpreh Trump gjatë një interviste për transmetuesin amerikan Fox News.
Ai shtoi: “Dhe ndoshta ai mendon se ne po e ndihmojmë Ukrainën, apo jo? Po, ne po i ndihmojmë edhe ata.”
Trump vijoi duke thënë: “Dhe kështu ai e thotë këtë, dhe Kina do të thoshte të njëjtën gjë, ju e dini. Është sikur, hej, ata e bëjnë dhe ne e bëjmë me gjithë drejtësi.”