Përshkallëzimi i konfliktit: UNICEF alarmon, mbi 1 milion persona të zhvendosur në Liban, fëmijët në rrezik!
Më shumë se një milion njerëz, mes tyre rreth 350,000 fëmijë, janë detyruar të largohen nga banesat e tyre në Liban për shkak të sulmeve të vazhdueshme. Mijëra familje janë të zhvendosura dhe kërkojnë strehim në qendra të ndryshme, sipas një komunikate të UNICEF-it në Liban të publikuar në platformën X.
“Mijëra familje dhe fëmijë po largohen nga shtëpitë e tyre për shkak të frikës dhe po kërkojnë strehim në qendra të mbipopulluara,” thuhet në mesazh.
Organizata po ofron mbështetje në terren, duke përfshirë:
- Kujdes shëndetësor
- Mbështetje psikosociale
- Ujë të pijshëm
- Ndihma emergjente
UNICEF i bën thirrje për veprim të menjëhershëm përballë kësaj situate kritike. “Fëmijët në Liban nuk mund të përballojnë më vonesa. Nevojitet veprim urgjent për të ulur tensionet dhe për të parandaluar dëme të mëtejshme. Fëmijët duhet të mbrohen dhe kjo duhet të ndodhë tani,” thekson organizata në deklaratën e saj.