Maskohet si prift dhe sulmon kundërshtarët: historia e pazakontë e trajnerit të pezulluar
Komunikimet telefonike duket se nuk i kanë mjaftuar. Një trajner i Kategorisë së Tretë në Lombardi ka vendosur të vishet si prift për t’u gjendur pranë ekipit të tij në një ndeshje të konsideruar jetike kundër ASD Galgagnano.
Ngjarja e pazakontë, e ndodhur më 26 tetor, pati si protagonist trajnerin e Union Mulazzano, Matteo Ciceri. Ai tentoi të shmangte pezullimin duke përdorur një maskim të çuditshëm.
Para ndeshjes, ai mblodhi lojtarët dhe dha udhëzime nga pankina. Sikur të mos mjaftonte kjo, Ciceri vendosi edhe të hynte në fushën e lojës. Atje ai goditi një lojtar kundërshtar dhe festoi golin e barazimit të përkohshëm, duke ofenduar ekipin rival.
Sjellja e tij nuk mund të kalonte pa u vënë re. Pas disa ditësh dhe një hetimi të gjatë, erdhi edhe vendimi përfundimtar: pezullim prej katër muajsh, gjobë, si dhe ndëshkim për presidentin e klubit, Raffaele Ranauolo.