Takimi i G7-ës: Debat mes Rubio dhe Kallas për qëndrimin ndaj Rusisë dhe përfundimin e luftës në Ukrainë
Gjatë takimit të G7-ës, janë shtuar tensionet mes Sekretarit të Shtetit të SHBA-së, Marco Rubio, dhe shefes së politikës së jashtme evropiane, Kaia Kallas, për sa i përket Rusisë dhe përfundimit të luftës në Ukrainë.
Kaia Kallas i ka drejtuar pyetje Marco Rubios, duke kërkuar sqarim se kur Shtetet e Bashkuara do të merrnin një qëndrim më të ashpër ndaj Rusisë. Ky diskutim duket se ka krijuar një përplasje mes tyre.
Konkretisht, gjatë një bisede rreth situatës në Ukrainë, Kallas ka kritikuar SHBA-në për mungesën e ushtrimit të më shumë presionit ndaj Moskës. Ajo gjithashtu ka rikujtuar se Marco Rubio, një vit më parë në të njëjtin forum, kishte deklaruar se nëse Rusia do të pengonte përpjekjet e SHBA-së për t’i dhënë fund luftës, kjo do të shterronte durimin amerikan dhe do të çonte në masa të mëtejshme kundër Kremlinit.
Në një konferencë të shkurtër për shtyp pas takimit, Rubio mohoi të ketë pasur ndonjë tension apo kritikë. Ai u shpreh: “Këto takime shpesh kanë të bëjnë me falënderimin e Shteteve të Bashkuara për rolin që kemi luajtur dhe vlerësimin e rolit që kemi provuar të luajmë si ndërmjetës në këtë luftë midis Rusisë dhe Ukrainës.”
Udhëheqësit evropianë kanë shprehur shqetësim për muaj të tërë në lidhje me bisedimet e paqes të udhëhequra nga SHBA-të mes Ukrainës dhe Rusisë. Lufta në Ukrainë ka nxitur shqetësime shtesë në Evropë, sidomos pas dhënies së përjashtimeve nga SHBA-të për të lejuar shitjen e naftës ruse, e cila aktualisht po tregtohet me çmime gjithnjë e më të larta.