“Artemis II”: Misioni i parë me ekuipazh rreth Hënës në më shumë se 50 vjet
Vëmendja e botës tani është përqendruar te katër astronautët që do të jenë njerëzit e parë që nga epoka e Apollos, 50 vjet më parë, duke i hapur rrugën gjeneratës së ardhshme të eksploruesve.
Misioni Artemis II i NASA-s do të dërgojë katër astronautë në një orbitë rreth Hënës, duke testuar sistemet e mbështetjes së jetës dhe navigimit. Ky mision shënon një moment historik, pasi do të ketë në bord astronautë me role të veçanta:
- Reed Wiseman do të jetë udhëheqësi i misionit.
- Victor Glover do të bëhet astronauti i parë me ngjyrë që arrin rajonin hënor.
- Christina Koch do të jetë gruaja e parë që arrin atje.
- Jeremy Hansen do të jetë astronauti i parë jo-amerikan që udhëton kaq larg.
Gjatë misionit, astronautët do të kryejnë eksperimente për të kuptuar se si ndikohet trupi i njeriut nga distanca të mëdha nga Toka.
Misioni, që pritet të zgjasë rreth 10 ditë, do të niset nga Qendra Hapësinore Kennedy e NASA-s në Florida. Katër astronautët janë stërvitur për më shumë se dy vjet dhe kanë qenë në karantinë në Qendrën Hapësinore Johnson të NASA-s në Hjuston që nga 18 marsi, duke qenë gati për t’u ngritur në ajër.