“`html
Denoncimi i fortë i Berishës: Dy javë më parë Ergys Agasin e kanë rrahur keq
Kreu i Partisë Demokratike, Sali Berisha, ka bërë një denoncim të fortë lidhur me biznesmenin në kërkim, Ergys Agasi. Duke iu referuar një informacioni të ardhur nga një qytetar dixhital, Berisha deklaroi se Agasi është rrahur rëndë, duke përfunduar, sipas tij, në një spital privat.
Berisha shtoi se nuk është lëshuar një urdhër-arrest ndërkombëtar për biznesmenin, i cili është përfshirë në akuza dhe afera në lidhje me çështjen e AKSHI-t. Ai vlerësoi se urdhri i lëshuar nga SPAK për Agasin nuk ka vlerë ligjore brenda vendit.
Sipas Sali Berishës, policia nuk arreston Ergys Agasin pasi ai është në mbrojtje të vetë kryeministrit Edi Rama. “Dy individë të lidhur kokë e këmbë me krimin, me bandat dhe trafikun. Nisma Vuçiç-Rama po përfundon aty ku e ka vendin. Ka ngjallur përçmim dhe ka treguar se këta dy persona nuk kanë interesa të tjera, përveç atyre të xhepit. Po kaq është dosja e AKSHI-t. Dy javë më parë, Ergys Agasin e kanë rrahur shumë keq. E kanë shtruar në dru. Po po! Sipas qytetarit dixhital është dërguar në një spital privat. Do të duhet të dini një gjë se Agasi mbrohet nga shteti. Nuk ekziston mandat ndërkombëtar për Ergys Agasin. Nuk ekziston. Ky mandati në Shqipëri është i pavlerë, pasi policia atë nuk e arreston. Ai ka hequr ministra. Këto janë zhvillime për këtë prestonome të Edi Ramës. Ergysi është vetë Rama, të kuptohemi!”, tha ai.
“`