Paralajmërimi i Trump vështirëson bisedimet, Wall Street Journal: Irani kufizon kontaktin me Uashingtonin
Irani ka marrë masa për të kufizuar kontaktin e tij diplomatik me Shtetet e Bashkuara të Amerikës, pas kërcënimit të bërë nga Donald Trump, sipas raportimeve të mediave amerikane.
Sipas Wall Street Journal, Teherani ka “ndërprerë diplomacinë e drejtpërdrejtë” me Uashingtonin, megjithatë bisedimet vazhdojnë me ndërmjetësues të armëpushimit.
Gjatë gjithë periudhës së konfliktit, shumica e negociatave për t’i dhënë fund luftës midis SHBA-së dhe Iranit duket se janë zhvilluar përmes vendeve të treta, siç është Pakistani.
Gazeta New York Times raporton një situatë paksa të ndryshme, duke thënë se Irani i kishte ndërprerë bisedimet përmes SHBA-së dhe Pakistanit, duke cituar tre burime iraniane.
WSJ thekson se përgjigjja diplomatike e Teherani ndaj kërcënimit të fundit të Trump “ka vështirësuar përpjekjet për të arritur një marrëveshje” deri në afatin e fundit të presidentit amerikan, ora 1:00 e mëngjesit të së mërkurës sipas kohës së Mbretërisë së Bashkuar, siç raportojnë zyrtarë.
Një nga zyrtarët ka deklaruar se Irani kishte si qëllim të dërgonte një sinjal mosmiratimi dhe sfide duke ndërprerë komunikimet, raportoi WSJ.
Si një përkujtesë, Trump ditën e sotme, para afatit të tij për Iranin, kishte deklaruar se “një qytetërim i tërë do të zhduket sonte”. Ai duket se po shtonte kërcënimet ndaj Iranit, në përpjekje për të rihapur Ngushticën e Hormuzit për trafikun detar, pa kërcënimin e sulmit iranian.