Meloni: Dalloni qartë përgjegjësitë e regjimit iranian nga fati i miliona qytetarëve
“Italia bën thirrje për një ndarje të qartë të përgjegjësive të regjimit iranian nga fatet e miliona qytetarëve. Popullsia civile e Iranit nuk duhet dhe nuk mund të paguajë çmimin për përgjegjësitë e sundimtarëve të saj,” thuhet në një deklaratë të qeverisë italiane.
“Qeveria italiane ndan atë që është theksuar tashmë nga institucionet kompetente të Bashkimit Evropian, lidhur me nevojën për të mbrojtur objektet civile, si dhe integritetin e popullit iranian. Shpresojmë që kriza të zgjidhet shpejt përmes negociatave,” vijon teksti.
Qeveria italiane nënvizon gjithashtu se vazhdon të dënojë sjelljen destabilizuese të Teheranit. Kjo përfshin sulmet hakmarrëse me raketa kundër vendeve të Gjirit, serinë e kërcënimeve ndaj lundrimit në Ngushticën e Hormuzit dhe shtypjen e dhunshme të popullit iranian.