Më shumë se 26 milionë iranianë janë ofruar vullnetarë për shërbim ushtarak.
Edhe pse armëpushimi me Shtetet e Bashkuara dhe Izraelin mbetet në fuqi, më shumë se 26 milionë iranianë janë ofruar vullnetarë për t’u bashkuar me fushatën “Sakrifiko Jetën Tënde”. Ky informacion bëhet i ditur nga transmetuesi shtetëror IRIB. Popullsia e Iranit është rreth 93 milionë banorë.
Sipas transmetuesit shtetëror IRIB, vullnetarët pritet t’u bashkohen Gardës Revolucionare dhe degëve të tjera të forcave të armatosura të Iranit. Janë planifikuar gjithashtu formime zinxhirësh njerëzorë për të mbrojtur instalimet strategjike që mund të jenë në shënjestër.
Sipas IRIB, midis atyre që janë regjistruar si vullnetarë janë Presidenti iranian Masoud Pezheskian, Kryetari i Parlamentit Mohammad Bayer Ghalibaf, shumica e ministrave të qeverisë, zyrtarëve, atletëve dhe artistëve.