Një zjarr i fuqishëm, i cili shpërtheu ditët e fundit në malin Faeta, në zonën e Lucca-s, ka detyruar autoritetet të evakuojnë rreth 3,500 banorë. Flakët janë përhapur me shpejtësi drejt territorit të Pisa-s.
Deri në pasditen e 30 prillit, zjarri kishte arritur në anën e Piza-s, duke prekur Asciano, një fshat në komunën e San Giuliano Terme. Gjatë natës, erërat e forta kanë favorizuar përhapjen e mëtejshme të flakëve, duke detyruar autoritetet të lëshojnë një urdhër të ri evakuimi për zonën deri në rrugën provinciale 30, e njohur si “Lungomonte”.
Qendra e operacioneve komunale mbetet e hapur për të ndihmuar banorët e prekur. Bashkia ka vënë në dispozicion ambiente pritjeje, përfshirë një palestër të pajisur për strehimin e të evakuuarve. Autoritetet u bëjnë thirrje qytetarëve që kanë nevojë për akomodim të kontaktojnë strukturat përkatëse lokale.