Operacioni i RENEA-s në Elbasan, arrestohen 10 persona, 5 janë ende në kërkim.
Një operacion antidrogë është zhvilluar në orët e para të mëngjesit në Elbasan, në kuadër të goditjes së grupeve të dyshuara kriminale. Gjatë operacionit janë lëshuar gjithsej 26 masa sigurie.
Sipas të dhënave paraprake, deri tani janë arrestuar 10 persona, ndërsa 5 të tjerë janë shpallur në kërkim. Një pjesë e të dyshuarve, konkretisht 8 persona, ishin arrestuar më herët në kuadër të të njëjtit hetim.
Paralelisht, janë ekzekutuar 20 urdhërkontrolle banesash. Gjatë këtyre kontrolleve, është sekuestruar një sasi e konsiderueshme kokaine, si dhe pajisje celulare që pritet të shërbejnë si prova në vijim të hetimeve.