Sekretari i Thesarit të SHBA, Bessent: Forcat tona kontrollojnë plotësisht Ngushticën e Hormuzit
Shtetet e Bashkuara kontrollojnë plotësisht Ngushticën e Hormuzit dhe po bllokojnë lëvizjen e anijeve për në dhe nga portet iraniane, deklaroi Sekretari i Thesarit i SHBA-së, Scott Bessent, në një intervistë për Fox News.
“Ne po themi qartë se iranianët nuk e kanë kontrollin e ngushticës. Ne kemi kontroll absolut të saj. Ne kemi bllokuar anijet që hyjnë ose dalin nga portet iraniane,” tha ai, duke iu referuar një raporti të Komandës Qendrore të SHBA-së për kalimin e anijeve luftarake amerikane përmes Ngushticës së Hormuzit dhe shoqërimin e anijeve tregtare.
Sipas raportit të Komandës Qendrore, dy anije tregtare që mbajnë flamurin amerikan kanë kaluar tashmë në mënyrë të sigurt nëpër ngushticë, dhe forcat amerikane po marrin pjesë në rivendosjen e transportit civil.