Ministri i Jashtëm iranian, Abbas Araghchi, po udhëton drejt Kinës, ku do të zhvillojë bisedime dypalëshe me homologun e tij kinez. Takimi, sipas raporteve të mediave ndërkombëtare, do të fokusohet në zhvillimet rajonale dhe ndërkombëtare, si dhe në marrëdhëniet dypalëshe mes dy vendeve.
Kina është një blerës kryesor i naftës që kalon nëpër Ngushticën e Hormuzit, duke përbërë deri në 50% të importeve të naftës bruto të saj, sipas Qendrës së Universitetit të Kolumbias për Politikat Globale të Energjisë. Më parë, Pekini ka kërkuar ruajtjen e kalimit të sigurt të anijeve tregtare përmes kësaj rruge ujore.
Ditën e djeshme, sekretari i Thesarit amerikan, Scott Bessent, i bëri thirrje Kinës që ta bindë Iranin të mos bllokojë ngushticën. Ai deklaroi se Kina po “financon sponsorin më të madh shtetëror të terrorizmit” duke blerë 90% të energjisë së Iranit.
Në vijim të zhvillimeve, presidenti amerikan Trump do të vizitojë Pekinin javën e ardhshme për t’u takuar me Presidentin Kinez Xi Jinping.