“`html
Monika Kryemadhi: E dua Ilirin, u kërkoj falje atij dhe fëmijëve. Erjon Braçe është politikani më i mirë, do e votoja për kryebashkiak.
Monika Kryemadhi ka qenë e ftuar në një intervistë për “Shqipëria Live”, ku ka folur gjerësisht mbi jetën e saj, karrierën politike, familjen dhe periudhën aktuale, jashtë mandatesh politike.
Ajo ka shpjeguar si është ndjerë dhe çfarë ka menduar kur ka parë Ilir Metën pas xhamit në seancën e fundit të gjyqit.
“Nuk ishte hera e parë që e shikoja Ilirin. Për mua, ai është Iliri i para 10 viteve, sa i përket aspektit mendor, shumë i qartë, shumë i kthjellët politikisht, si një snajper. Unë që e njoh prej 33 vitesh, rrathët e syve i vijnë nga leximi i gjatë. Ka një posturë të jashtëzakonshme, sikur është 30 vjeç. Kjo tregon se ka bërë shumë ushtrime për barkun dhe shpinën, ka ngrënë shëndetshëm. Kostumi që i kanë sjellë duket të jetë një numër më i madh,” – ka deklaruar Kryemadhi.
Ajo ka shtuar se me Metën aktualisht ka zero komunikim dhe ai nuk pranon asgjë prej saj. “Ka mbaruar ndoshta dashuria. Mendoj se marrëdhënia jonë ka qenë në një moment vulnerabiliteti, edhe unë nuk kam qenë shumë e përgatitur. Atij i thanë që ajo ka të dashur, dhe doli që në fakt ishte Ilir Meta. Shikoje si i shkëlqejnë sytë aty… Ai është babai i fëmijëve të mi. Respekti im për të është i paprekur, sepse në fund të fundit unë jam kjo që jam për shkak të mundësisë që ai më dha, ai është strateg i diplomacisë shqiptare,” – tha ajo.
E pyetur se cili është politikani që vlerëson më shumë, ajo ka përmendur Erion Braçen.
“Politikani më i aftë për mua sot është Erion Braçe. Do e votoja për kryetar bashkie,” – u shpreh Kryemadhi.
Një koment ka dhënë edhe për ish-kolegët me të cilët ndau rrugëtimin si opinioniste në Big Brother.
“Arbër Hajdari ka qenë një surprizë, sjellja e tij me mua ka qenë surprizë. I pata thënë Arbrit të mendojë seriozisht politikën, por ai është skeptik dhe nuk ka faj,” – tha ajo.
Për Ledion Liçon u shpreh: “Ledioni për mua është energji pozitive, i jashtëzakonshëm. Ai nxjerr një energji jashtëzakonisht pozitive, ka një solaritet të jashtëzakonshëm. Arbri dhe Ledioni kanë qenë me efekt antidepresion me nivele më të larta në këtë Big Brother.”
Por a ka Monika Kryemadhi nevojën për t’i kërkuar falje ndokujt?
“Më fal do t’u thoja fëmijëve të mi që nuk kam investuar shumë kohë fizike dhe emocionale me ta, patjetër dhe Ilir Metës që kur kishte nevojë nuk isha për të, e lashë në shoqëri të gabuar, kjo është kostoja që unë duhet ta paguaj për gjithë jetën,” – u shpreh ajo.
“`