Sulmet e reja në Lindjen e Mesme, reagon Irani: Asnjë akt agresioni nuk do të mbetet pa përgjigje
Irani është zotuar se nuk do të lërë asnjë akt agresioni pa përgjigje, duke e cilësuar atë si një “shkelje flagrante” të armëpushimit nga ana e Shteteve të Bashkuara. Të martën në mëngjes, Shtetet e Bashkuara kanë kryer sulme, të cilat i kanë quajtur “sulme mbrojtëse”, ndaj Iranit, në një kontekst armëpushimi gjithnjë e më të paqëndrueshëm.
Ministria e Jashtme e Iranit deklaroi se ushtria amerikane “ka kryer një shkelje flagrante të armëpushimit në provincën Hormozgan gjatë 48 orëve të fundit”.
“Pa dyshim, Republika Islamike e Iranit nuk do të lërë asnjë akt agresioni pa përgjigje dhe nuk do të hezitojë aspak të mbrojë sovranitetin e Iranit,” thuhet në një postim të ministrisë në rrjetet sociale.
Nga ana tjetër, Komanda Qendrore e SHBA-së ka njoftuar se ka kryer sulme të reja kundër Iranit, “për të mbrojtur trupat tona nga kërcënimet e paraqitura nga forcat iraniane”.