Politikan nigerian pretendon se është 30 vjeç dhe vuan nga nanizmi, por akuzohet se është fëmijë.
Mahmoud Sadish Buba, një politikan nigerian, i cili u bë viral për shkak të pamjes së tij rinore, është tërhequr nga gara zgjedhore pasi dokumente të publikuara sugjerojnë se ai mund të jetë në të vërtetë një fëmijë.
Buba pretendonte se ishte 30 vjeç dhe se pamja e tij fëminore i atribuohej nanizmit të trashëguar. Megjithatë, një foto e pasaportës së tij, e cila është publikuar së fundmi, tregon se ai ka lindur në vitin 2010, duke e bërë atë 16 vjeç.
Politikan, i cili kandidonte për një vend në Asamblenë Kombëtare Nigeriane me partinë APC, kishte deklaruar në një intervistë se gjendja e tij nuk e shqetësonte kurrë dhe se ishte krenar për mënyrën se si Zoti e kishte krijuar. Ai shtoi se populli e kishte thirrur për t’u shërbyer atyre.
Pretendimet e tij dolën në pah pasi u publikuan disa dokumente identifikimi të dyshuara. Këto dokumente sugjerojnë se ai është ende i mitur, ndërkohë që ligji nigerian kërkon që politikanët në detyrë të jenë të paktën 30 vjeç.
Një i afërm i tij, i cili pretendonte të ishte vëllai i Bubbës, postoi një foto të pasaportës së tij nigeriane, lëshuar në vitin 2024, ku data e lindjes ishte shënuar 27 gusht 2010, duke e quajtur atë “vëllai i tij më i vogël”.
Ish-mësuesi i tij gjithashtu deklaroi publikisht se e kishte mësuar Bubbën në shkollën e mesme dhe këmbënguli se politikani aspirant është ende adoleshent.
Pas këtyre zbulimeve, Buba u tërhoq nga kandidimi i tij për Asamblenë Kombëtare Nigeriane. Në një njoftim në Facebook, ai nuk e përmendi moshën si arsye të largimit, por deklaroi se ky vendim ishte përshpejtuar nga përpjekjet e pajtimit të nisura nga palët e interesuara dhe udhëheqësit e partisë.